Тус цагдаагийн газраас аймгийн хэмжээнд баяр, амралтын өдрүүдэд гэмт хэрэг, зөрчлөөс урьдчилан сэргийлэх зорилгоор нэгдсэн эргүүл хяналт шалгалтыг зохион байгууллаа. Эргүүлд цагдаагийн 132 алба хаагч, 45 чиглэлд, 29 тээврийн хэрэгсэлтэйгээр үүрэг гүйцэтгэж, хяналт шалгалтын хугацаанд согтууруулах ундааны зүйл хэрэглэсэн үедээ тээврийн хэрэгсэл жолоодсон -11, тээврийн хэрэгсэл жолоодох эрхийн үнэмлэхгүйгээр тээврийн хэрэгсэл жолоодсон -3 зөрчлийг илрүүлж ажиллалаа. Согтууруулах ундааны зүйл хэрэглэсэн үедээ тээврийн хэрэгсэл жолоодохгүй байхыг цагдаагийн газраас зөвлөж байна.